E cosė somientementre per lo spazio de una ora diseva al besporo; e como fo l'ôra clara, ele comenzā tute a cantar per prima, digando: Timor domini sit super nos et super timentes te; dominus, initium sapientie timor domini. E in ziascun so canto tegniva uno muodo de canto (per) ingual tenpo de una ora, e a terza diseva questo verso dolzementre: Psallite deo nostro, psallite regi nostro, psallite sapienter, e (a) sesta diseva: Illuminet dominus vultum (suum) super nos et misereatur nostri, e a nona diseva: Ecce quam bonum et quam iocundum habitare fratres in unum. E in questo muodo le dite osiele de dė e de note rendea laldo al nostro signor.
     
     
     
      [12]
     
      HIC VENIT PROCURATOR AD FRATRESCUM NAVE PLENA AD POTUM ET CIBUM
     
      E cusė san Brandan defina la otava de Pasqua pasič li so' frari, e siando pasado tuti li dė de la Pasqua, elo dise cusė: "Tolemo de questa fontana le spensarie, avegna ch'ela non sia defina mo' se no per lavar le man e i pič".
      E abiando cusė dito, eli sovravene lo bon omo che fo da eli l'oltra fiada ananti Pasqua, lo qual li de' la pastura, e vene da eli con una nave plena de cose da viver per manzar e per ber, e abiando vuda la so nave, elo sė parlā a l'abado e a li altri frari, cusė digando: "O frari mie', vui avé ancuomč sofizientemente fin Pasqua de Pentecoste da viver; onde non bevé de questa fontana, perch'ela č tropo forte da bever, e dirōve la so natura. Sapié, chi ne beve elo li vien de boto uno sono sė forte, ch'elo dorme uno dė e una note, ch'č spazio de XXIIII ore, onde la late č questa virtų dentro da la fontana, e de fuora si č aqua e non late, anche ela si č cusė blanca".