E de presente lo abado tolse questa cosa in man e comenzāla a vardar per gran meraveia e dise: "Loldā sia Dio, lo qual ne ā ancuō mostrado queste gran cose, e per nu' porā eser dito e crezudo da molta zente".
      E abiando questo fato, lo abado comandā ch'elo se canta mesa de Spirito Santo e puo' tuti debia manzar. E tanto eli iera stadi consoladi a veder queste cose e mesurar questa colona, ch'eli non aveva abudo cura de manzar nė de ber, e voiando ben veder questo fato eli trovā che questa colona iera fata como uno pérolo de cristalo; lo pč, ch'ela iera su fermada, s'iera ben lavorada e quelo lavorier s'iera lavorado e fermado sovra quatro piere de IIII colori, e iera 'nde ben tuti e no 'nde mancava alguna cosa nė de pč nė de altro.
      E siando pasā la note, eli navegā contra seterion, et eli pasando per uno de li forami de lo rede e de lo canevazo, eli levā lo albero e conzā la vela; et arquanti se alogā a pope e tegniva lo canevazo per gropo e li altri conzava tute le cose per la nave. E abiando fato tuto questo, Dio li mandā uno bon vento che li portā viazamente in oto dė a pruovo la boca de lo Inferno, inver la parte de Aquilone, ond'č lo vento che nome Buora.
     
     
     
      [26]
     
      QUA APARETE UNA ISOLA BRUTA CHE SÉ INFERNO
     
      E siando andadi con lo vento in parte de 'Quilon, eli vete una isola che l'iera da pruovo, la qual iera tuta plena de sasi grandi e de piere, e quela molto soza da veder, e no 'nde iera erba nė albori in nesuna parte e iera plena de fusine de favri e de rode e de agudi e de marteli e de ancuzine e de falze e de siege de fero e de verigole grande e de daladore de marangon.