Letamini in domino; exultate, iusti, et gloriamini omnes corde recti; gloria patri et filio et spiritui sancto, sicut erat in principio et nunc et semper et in secula seculorum. Amen. E cantando queste e le altre tasieva tute. E como elo fo conplido questo canto cusė prezioso, san Brandan con queli che iera con lui comenzā forte a navegar inver levante. E andando cusė per mar, tute le osiele se partė e tornā a li suo' luogi; e siando andadi cusė navegando, eli fo zonti a l'isola de lo procurator, e como eli fo a quela isola, la nave forte per si ferė in tera.
      E, siando in lo porto, eli comenzā aliegramente a cantar: te deum laudamus, te dominum e diselo tuto quanto, e lo procurador si insė inprima fuora de la nave e puo' lo abado e puo' li frari tuti quanti; e ligā ben la nave e puo' stete con lo procurador in quela isola XL dė. Elo li fe le spese granmentre de tute bone cose e menāli per tute quele rive ch'elo vardava e mostrāli ogni cosa.
     
     
     
      [32]
     
      HIC FRATRES PERVENERUNT AD INSULAMPULCRAM PROCURATORIS IN QUA STETERUNT XL DIES
     
      E siando eli con lo procurador in quela soa isola, la qual iera molto bella e granda, lo abado Brandan con li suo' frari trovā e vete tante cose stranie de le cose de le altre contrade, che apena poria eser scrito: mo tuta fiada, o crezudo o non crezudo, elo trovā una via tuta de aste lavorada de diverse piere preziose in beli lavorieri devisadi l'un da l'altro, e queste aste s'iera lavorade con oro e con arziento molto ben. E questa via iera longa uno mier, e da li ladi sė pareva eser fosadi puoco cavadi e in quele s'iera rane belisime da veder per la stranieza de li lavorieri qu'ele aveva lavorade le so pele; onde ele iera plu bele da veder quele so ovre che non č le porpore nė li frisi anpli lavor(ad)i de molte sede ad oro e con perle e con piere preziose.