E questo osielo comenzā a cantar sė altamente e sė ben, che quasio ne insiva lo spirito de lo corpo, e per li so' dolze versi e' sonava a dir questo verso: Quis similiter tui, domine deus, quis similiter in virtute est, qui faciat magna opera (virtutis)? Tu solus qui regnas in eternum. Et ultra: Beati qui (te) viderunt et electi sunt in salutari tuo. E como elo ave dito questo verso, elo se mese a volar oltra lo gran flume. Et adeso nu' andasemo apreso lo bosco, e lā iera albori cargadi de piere preziose, con foie d'arziento e con foie d'oro e de geme a li rami, e pareva ch'eli brasase da l'altro ladi e vegniva 'nde a lo naso uno odor sė soave, che quasio nu' strangusi(a)vemo, e parevano sė como (de) inzenso e aloe e muscio e balsemo e de anbra e de 'osmarin e de savina e de ruose e como oldor de ziasemin; e per questa cusė gran flama e non vedevemo fumo. Nu' andasemo da quelo ladi o' pareva la flama, e nu' non trovasemo per zo altro se no li albori, e levando nu' lo cavo in su e vardando da l'oltro ladi onde nu' ieremo vegnudi e nu' vedesemo flama asč mazor: e nu' tornasemo indriedo e non trovasemo per zo altro fuogo.
     
     
     
      [41]
     
      DE COLUMNA IGNIS QUE TANGEBAT CELUM IN MODO SCALE
     
      E vardando da l'altro ladi ancora, nu' vedesemo una mazior flama de fuogo molto clara e alta et in mezo sė pareva (una colona che pareva) tocar lo zielo, molto dreta e grosa e (i) iera lavorado una scala de gradi, li qual iera molto ben lavoradi de grose piere preziose como oro masenado e con perle e con corniole.