Nobis ad perficiendum simile problema solebat hic sequens modus sufficere:
      [vedi figura 016a.gif]Sit frusti(44) conoidis parabolici abcd axis ef, cuius centrum gravitatis inveniendum sit. Complementum huius frustri sit portio agb. Iam si eh sit tertia pars axis portionis eg, erit h centrum gravitatis praedictae portionis: similiter si fi sit tertia pars totius axis fg, erit i centrum gravitatis conoidis dgc. Iam frustri centrum erit necessario in eadem axe infra i, nempe in m, ita quod ratio hi ad im sit ut frusti(45) abcd ad portionem agb: quod cum ita inventum fuerit, erit m quesitum centrum gravitatis dati frustri.
      Sed centrum hoc multo facilius nova tua inventione investigare doces. Quia axem frusti(46) ef divides solummodo per signa l et o in tres partes aequales, et dicis, adminiculo tui(47) lemmatis, quod centrum gravitatis dati frusti(48) erit inter l et o signa, in m scilicet, ita quod quam habeat rationem quadratum dc ad (um ab, eandem habeat recta lm ad rectam mo; quod cum ita sit, invenienda erit solummodo rectis dc et ab tertia proportionalis, que sit pq. Erit ergo dc ad pq sicuti lm ad mo, vel compositum ex rectis dc et pq ad rectam dc sicut lo ad lm: facile ergo per 12am sexti Elementorum Euclidis invenies quantitatem rectae lm, qua quesitum centrum gravitatis dati frusti(49) innotescet. Certe hic confitendum erit, doctissime Galilaee, hanc tuam inventionem dignam esse ut ea a cunctis, has artes colentibus, mira congratulatione accipiatur, et tibi pro tali benificio gratias aeternas habeamus.