Omnia quae vidi in mea Peregrinatione tempus dabit. Nam brevi eo (ubi omnia mea requiescunt, et D. pater tibi forsan aperuit) me conferam, et quicquid vidi in caelo Iovis liberius dicam. Hîc nil excuditur, nisi prius Inquisitor, a N. P. Paulo V electus et confirmatus, viderit et probaverit....
     
      Postscriptum.
     
      Habeo, vir doctissime, in animo conficiendi, auxiliante Deo, hic in Italia instrumentum cum quo longissime distans per 15 miliaria remotus homo colloqui cum altero queat, et maiora visibilia quam cum Galilei rancido perspicillo videre possit. Serviet, auxiliante Deo, in caelo ad observationes melius quam Galilei perspicillum; serviet in tumultu et strepitu Bellonae. Iterum vale.
     
     
     
      315*.
     
      MARTINO HORKY a GIOVANNI KEPLER in Praga.
      [Bologna, 26 maggio 1610].
     
      Blbl. Palatina in Vienna. Cod. 10703. car. 33. - Autografa.
     
      ....Brevi meam Peregrinationem cum Nuncio Sidereo finitam tibi ad revidendum mittam....
     
     
     
      316*.
     
      GIOVANNI ANTONIO MAGINI a GIOVANNI KEPLER [in Praga].
      Bologna, 26 maggio 1610.
     
      Bibl. Palatina in Vienna. Cod. 10703, car. 32. - Autografa.
     
      S. P. D.
     
      Tua, Vir Clarissime, Dissertatio cum Nuncio Sidereo inclusa litteris, 20 die Maii mihi est tradita. Methodus placet: Galilaeo haud gratam futuram credo, quia ad sua principia argute et amice revocasti. Quatuor tantum novi Ioviales famuli eliminandi et excutiendi relinquuntur. Vix obtinebit. 24, 25 Aprilis mea in domo suo cum perspicillo pernoctavit, novos hos Ioviales circulatores ostendere cupiens; nihil fecit. Nam magis quam 20 viri doctissimi aderant, nemo tamen planetas novos perfecte vidit.