Dominus Prior Bontempi mihi pollicitus tractare dicationem meae Astrologiae(1492) Serennissimo Domino Cosmo: in hac autem Astrologia diu et diu (ut opus meum testatur) insudavi. Quaeso, ut tuae virtutis et generis est, adiuva me; sis avocatus iustae caussae, nempe supplica Serennissimo Domino ut laeto animo meos labores accipiat, et det Serennissimum nomen suum inscribendum. Tua authoritas me multum adiuvabit; sub ipsa tutissimus ibo. Deus tibi praemia reddet digna; nullam Deus charitatem reliquit non compensatam. Vale.
     
      Die 5to Octobris anni 1613. Datum Antverpiae Brabantiae.
      Qui et tuae virtutisStudiosissimus et Addittissimus
      Octavius Pisani.
     
      Fuori: Charissimo Domino Doctissimoque Viro
      Domino Galileo Galilei.
      Florentiam.
     
     
     
      931*.
     
      OTTAVIO PISANI a [GIOVANNI KEPLER in Linz].
      Anversa, 5 ottobre 1613.
     
      Bibl. Palatina in Vienna. Mss. 10703, car. 86. - Autografa.
     
      Charissime Domine Keplere, Doctissime Vir,
     
      Audax videor tibi, qui audeam ignoto scribere. Sed, si ego tibi ignotus, tu mihi notissimus: tua enim opera in motu Martis(1493), et Optica(1494), quocunque pervagantur; quemcunque doctum sortiuntur, illico amicum sibi acquirunt; nemo enim virtutis studiosus tua scripta legere, et non te amare, potest. Est virtus virtutis amicos ignotos coacervare; et me coacervatum scias tuis amicis, et praecipue cum te amicum nostri Galilei agnoscam, a quo die hesterno litteras accepi.
      Vere Galileus est caelestis Americus, qui in caelo nova sydera, et praecipue Medicea, invenit: ego autem theoricam motus Syderum Mediceorum delineo circa Iovis regale iubar, satellitii instar, in epicyclo Iovis.