Il S. Galileo Galilei.
      Firenze.
     
     
     
      962*.
     
      GIO. BATTISTA DELLA PORTA a.......
      [1613].
     
      Riproduciamo questo capitolo di lettera dalle pag. 92-93 delle Memorie istorico critiche dell'Accademia de' Lincei ecc., raccolte e scritte da D. BALDASSARE ODESCALCHI. Roma, MDCCCVI, nella stamperia di Luigi Perego Salvioni.
     
      Tuas litteras accepi, in quibus amoris in me tui argumenta luculenta renident. Scribis, te magnopere admirari, Anglos, Belgas, Francos, Italos et Germanos sibi telescopii inventum arrogare, me solum, qui inventor extiterim, inter tantos rumores conticescere. Meae negligentiae et supinitatis rationes afferam. Primo, quod insignis S. C. M. Mathematicus Keplerus, sua qua pollet animi ingenuitate, e Germania, me tacente, respondet, ostenditque, XVII Naturalis meae Magiae libro, capite X, fabricam(1565), mathematicas autem demonstrationes libro De refractione VIII(1566), quos ante 25 abhinc annis typis excusos publicavi, clarissime contineri. Praeterea, eiusmodi inventum perfeci, toediosae sane et fastidiosae operationis, cum per arctum foramen spectro petenda via sit, nec clare et aperte contueri possis; cum paulo post specillum invenissem, quod oculis appositum, per decem milearia pp. hominem discernere possim, quod canone conditum, longe mirabiliora opera visuntur et maiora quam scribi possunt, quae Taumatologiae(1567) nostro libro conduntur; quod specillum demonstrasse memini Principi nostro Lynceo Federico Caesio, Montis Coelii Marchioni, iuveni stemmatum splendore, virtute, moribus et eruditione, tota Urbe et Orbe spectabili.