16 1/2; alterum, obscurationem solis maximam fuisse digit. 11, min. 32. Caetera vero, ut vestigium primum eclipseos apparuisse in circulo citra telescopium superiore dextra parte 35 grad. a supremo circuli puncto; medium eclipseos contigisse sole alto 6 grad., 20 min., seu hora 7, min. 11 1/2; limbum exteriorem falcis illustratae fuisse tum minorem semi-circulo 10 grad.; solem occumbentem hora 8 fuisse adhuc obscuratum digit. 1 3/4; et si quae sunt huiusmodi, asserere non perinde ausim. Utcumque sint, indico omnia, quod hoc modo nosse nihil noceat.
      Ad libellum quod attinet, is non est qui mereatur tibi bonas aliquot subducere horas. Habe illum solum, ut pignus continuae meae in te observantiae ac testimonium memoriae iugis qua te absentem veneror et affectissime complector.
      Spero me Constantinopoli circa Natalitia futurum. Tu si mea observatione illic, Alexandriae aliisve in locis Orientis indigeas, aut ante discessum significa, scilicet ante initium Novembris, aut, cum illuc appulero, destina ad me literas apud Illustrissimum, quicum eo concessurus sum, Christianissimi Regis oratorem: videlicet ubivis gentium habebis me semper et observantissimum et amantissimum tui. Tu me modo ama, et maximo artium literarumque ingenuarum bono aeternum vive et vale.
     
      Parisiis, III Kal. Septemb. M.DC.XXX.
     
     
     
      2053*.
     
      ESAÙ DEL BORGO ad ANDREA CIOLI [in Firenze].
      Madrid, 31 agosto 1630.
     
      Arch. di Stato in Firenze. Filza Medicea 4958 (non cartolata). - Autografa.
     
      .... L'occhiale del Galileo(313) presenterò in mano al Re nella prima audientia, chè mi sono trattenuto questi giorni per dar tempo a che si fornischi un ingegnio che lo sustenta, con gran comodità di chi se ne serve, che è stato disegno di Cosimo Lotti, et mi assicuro che renderà tanto più grato il regalo.