Saltem in Angliam aliquot exempla sine noxa autoris mittentur. Qua in re uteris, etsi nullus moneam, consilio Campanellae, viri summi et incomparabilis, qui genios procerum Italiae unus omnium optime cognitos habet. Eidem ut meae summae in ipsum observantiae sis interpres, imo sponsor, obnixe rogo; quam observantiam fortassis ipsemet audebo, cum per otium licebit, epistolio aliquo ipsi testatam reddere. Gratulor ipsi felicitatem hanc egregiam, quod ea loca tandem effugerit in quibus ademptum per inquisitiones loquendi audiendique commercium, et in illud aureae libertatis asylum pervenerit, ubi quod reliquum est aetatis in sinu complexuque maximorum virorum, sibi suaviter et publico bono utiliter, exigere possit. Deus ipsi vel de meis annis annos augeat. V.
     
      Scr. 2 Maii(835) 1635.
     
      Cupio de redditis litteris et libris quamprimum certior fieri, itemque doceri, num consultum sit ut Venetias exemplaria quaedam, Elzeviriorum nomine, hinc mittantur: nam occasionem nostrates mercatores satis expeditam suppeditare possunt.
     
     
     
      3122**.
     
      ELIA DIODATI a GUGLIELMO SCHICKHARDT in Tubinga.
      Parigi, 17 maggio 1635.
     
      Kgl. Landesbibliothek in Stuttgart. Cod. hist. fol.° n.° 563, Lettere di E. Diodati, car. 18.-Autografa.
     
      .... Utinam desiderio tuo satisfacere in me esset! protinus telescopii Galileani compos fieres. Quod nescio an ab autore, qui solus id parat, nunc curis et aerumnis oppresso, sperare liceat: tentabo tamen et omnem lapidem movebo, etiam oblato, ut praescribis, praetio, innominato eo in cuius gratiam petam; et eius quod ad petitionem responderit, te certiorem faciam.