Constitui, versionis autorem cum elogio nominare(1156), nescio an te volente et probaturo. Si hoc officium aversaris, velim primo quovis tempore certiorem me facias.
      Neudorffius, et laudum tuarum et sibi praestitorum abs te beneficiorum insignis praeco, scripsit ad me Londino, Systema Galilaicum isthic desiderari. Si Lutetia nequit eo mitti, nundinis Francofurtanis, quas proximo vere celebratum iri magna spes est, ut undique spargatur, Elzevirii curabunt.
      De petito a me telescopio promissam curam intermittere, quaeso, noli. Pretium bona fide persolvam.
      Indue fortem animum, quo triste nuncium excipias de Schickardo nostro. Vir et amicus incomparabilis epidemia lue heu! sublatus est Tubingae, die 23 Octobris. Apographum novissimae ipsius ad me epistolae, cum narratione de morte eius, forte et Parentationem(1157) quam Schefferus(1158), professor Academicus, isthic habuit, addo quoque Kepleri Somnium sive De astronomia lunari(1159), quin et reliquas Apologetici pagellas, hahebis a me, utprimum itineribus securitas sua reddita fuerit.
      Inclusum epistolium nobilissimo Marescoto patri(1160), cum officiosissima ex me salute, curandum trade, ni grave est; et significa, in parato me habere quae pridem requisivit, utprimum tuto licebit, ventura. V.
     
      18 Decemb. Iuliani 1635.
     
     
     
      3231**.
     
      GIOVANNI PIERONI a [GALILEO in Arcetri].
      Vienna, 29 dicembre 1635.
     
      Bibl. Naz. Fir. Mss. Gal., P. I, T. XI, car. 163. - Autografa. Sul di fuori si legge, di mano di GALILEO: la risposta si mandi in Cancelleria delle Farine al S. Giov.i del Ricco.