Pretium huius instrumenti si scivero, Excell. Vest. summa cum gratiarum actione solvetur, et ego et Dominus Berneggerus erimus semper obligatissimi Escellentiae Vestrae: quocirca igitur maximas ago gratias, quod meas litteras adeo dignari voluerit et hac de causa Reverendiss. Dn. Patri Vulgentio adscribere, qui alias nobis nostraeque familiae totae, ob suam eminentem prudentiam, virtutem et integritatem vitae, optime cognitus nosterque maximus fautor et moecenas fuit.
      Caeterum de Dialogis translatis longe ante notitiam E. V. habuisse firmiter credo, cum scirem Excellentis. Dn. Berneggerum saepius litteris per Dn. Diodati E. V. confirmasse. Ego minimus gaudeo ex animo, quod me tantum fortuna donaverit, ut possim illos in lingua latina legere, qui adhuc careo hac italica; siquidem ex Germania quotidie expecto conforme exemplar, ut et unum de circulo proportionali, itidem translatum ab Excellentiss. Dn. Berneggero(1229). Quod super est, E. V. etiam atque etiam rogo, excusatam habeat audaciam meam in litteris; siquidem qui nisi sub umbra tanti viri obtectus non accessissem hisce meis puerilibus litteris Excell. Vestram. Comendo me meaque studia Excellentiae Vestrae quam humillime; iuxtaque augurationem a Nostro Deo Optimo Maxime omnis prosperitatis, sit Sua Excellentia a me quam submisse salutata.
     
      Datae Venetiis, adì 9 Febrar. 1636.
      V. Excellentiae
      ObligatissimusEmanuel Schorer.
     
      Fuori, d'altra mano: Al molto Ill.re Sig.r, Sig.r Oss.moIl Sig.r Galileo Galileij.
      Fiorenza.
     
     
     
      3263*.
     
      BONAVENTURA CAVALIERI a GALILEO in Firenze.