Riscontrerò con più agio il conto, che per ora mi pare che stia bene; mentre co 'l fine, pregando Dio che in V. S. resarcisca i danni della malattia, con sincero affetto la riverisco.
     
      Da S.ta Maria a Campoli, 3 Settembre 1637.
      Di V. S. molto Ill.re et Ecc.maDevotiss.mo e Oblig.mo Se.re
      Alessandro Ninci.
     
     
     
      3554.
     
      MARTINO ORTENSIO a ELIA DIODATI [in Parigi].
      Amsterdam, 5 settembre 1637.
     
      Dal Tomo III, pag. 448-449, dell'edizione citata nell'informazione premessa al n.° 1201.
     
      Amsterdam, 5 Settembre 1637.
     
      Saepissime iam testatus sum, Vir Nobilissime et Excellentissime, nunquam per me stare, quominus negotium Domini Galilaei promoveatur; ad eoque etiam nunc culpa omni careo, quod tanto tempore ad tuas et Galilaeanas non sit responsum. Nob. Realius in Comitiis Hagae Comitis totos caniculares, in summis et difficillimis Reipublicae nogotiis, contrivit; inde domum reversus, ne sic quidem, ob domestica et alia impedimenta, rescriptioni vacare sat commode potuit. Nolui autem ego solus rescribere, antequam ipse responsum dedisset ad Illustrissimum Grotium, ob causas quasdam non contemnendas. Scias autem, Domine, negotium hoc (ut et quodvis aliud), inter tot capita et in tanto sententiarum dissensu, haud posse in hac Republica tam facile aut tam cito expediri ac res quidem videtur postulare. De itinere meo nihil adhuc actum, et forte nihil agetur, cum videam Nobilem Realium penitus desperare: ait, nescire se qua ratione id ab Illustrissimis Ordinibus aut Magistratu nostro impetrari posset; idque etiam Illustrissimo Grotio iam significasset, nisi infortunium aliud, mors nempe filiolae ex peste, domo eum summa cum confusione, ob gravidam uxorem aliaque incommoda, expulisset.