2869bis**.
     
      NICCOLÒ FABRI DI PEIRESC ad ELIA DIODATI in Parigi.
      Aix, 7 febbraio 1634.
     
      Bibl. d'Inguimbert in Carpentras. Collection Peiresc, Addit. T. IV, 3, car. 150. - Minuta autografa.
     
      M.r
     
      J'ay receu la lettre dont il vous a pleu m'honorer, et faict tenir incontinent a M.r Gassend celle qui estoit joincte pour luy, dont je pense que par le prochain ordinaire je vous pourray envoyer la responce, ensemble le livre que vous me redemandez du Foscarini(999), qui sera certainement tres bien employé en l'édition latine des Dialogues du S.r Galilei(1000); et en fut faict des aultres en mesme temps en divers lieux d'Italie, qui seroient bons a y joindre, mais par disgrace je n'en ay jamais receu le fagot que l'on m'en envoyoit dez ce temps là, a cause de la mort survenue du gentilhomme qui s'en estoit chargé, sans que j'aye peu recouvrer ce qu'il m'apportoit, ni que mes amys m'en ayent jamais peu envoyer ou suppleer aultre chose que ledit livre du Foscarini. Mais voz amis de Florence pourroient bien vous y servir, s'ilz vouloïent, ou ledit S.r Galilei mesmes, ne doubtant pas que le tout ne luy ayt esté envoyé....
     
     
     
      2874bis**.
     
      PIETRO GASSENDI a NICCOLÒ FABRI DI PEIRESC in Aix.
      Digne, 11 febbraio 1634.
     
      Bibl. Nazionale in Parigi. Fonds français, n.° 9536, car. 230. - Autografa.
     
      .... A propos de M.r Diodati, je suy bien aise de la faveur que vous luy faites en luy envoyant vostre Foscarin(1001). Il sera peut estre bon neantmoins de l'advertir qu'il prenne garde que Bernegger ne face point mention que vous le luy ayez envoyé. Escrivant a M.r Diodati, je lui diray à tout hazard ce que peut estre il ne sçait pas, c'est que le dit Foscarin avec Galilei avoient esté censurez des je ne sçay quelle année, me souvenant d'en avoir veu la censure dans le comentaire du Pere Mercenne sur la Genese(1002). Ce ne sera pas pour l'empescher de faire ce qu'il voudra faire, mais afin qu'il soit adverty du tout.