Anche il poeta tedesco Di Platen-Hallermünde, sepolto a Siracusa, ha trattato drammaticamente questo tema vaghissimo. Ecco due racconti milanesi che appartengono al ciclo della Cenerentola, il quale abbraccia due rami, quello di Peau-d'âne e quello di Cendrillon.
     
     
      LA SCINDIROEURA.39
     
      Ona volta gh'era on Re. El gh'aveva ona tosa. L'era tanto bella che le voreva per sposa, la voreva sposà per mièe; e lee la voreva minga, perchè l'era vecc. Lu, seguitava a seccalla de sposall; e lee, on dì per contentall, la gh'ha ditt: - «Famm dùu vestìi a me piasè e on'ochetta che parla, che te sposi.» - Come difatti, el gh'ha fàa dùu vestìi, vun pien de stell e on alter cont i ragg del sol. Sicchè, la sera, lu, l'è andàa in lett. El ghe dis: - «Adess ven anca ti, Maria.» - la se ciamava Maria. E lee, la dis: - «Adess vegni subet.» - L'ha ciappàa i dùu vestìi e i ha faa su in d'on fagott e l'ha miss l'ochetta in d'on cadin con denter l'acqua. L'ochetta, la sbatteva i al: e el Re le dimanda: - «Maria, te vegnet a dormì?» - E l'ochetta, la ghe rispondeva: - «Vegni» - Lu, el Re, el s'è indormentàa; e el s'è dissedàa pu fin a la mattinna. La mattinna el leva su, el trœuva pu la soa tosa. Lee, l'ha miss on bell'-e-brutt40, ona finta che se cognosseva domà che i occ; e la s'è missa in viagg; e l'ha seguitàa a viaggià finchè l'ha trovàa ona cittàa, dove gh'era on Re. L'è andada alla porta del Re e la ghe dis a la guardia de digh a la Reginna se voreven ciappalla per fa la donzella. E la guardia la gh'ha ditt: - «Te gh'hê minga vergogna, bruttascia che te set, a cercà de vegnì a fà la donzella?