E gh'era là ona donna; la ghe dis: - «Ve loggeria volentera; ma gh'hoo el marì che l'è on mago: se el ven a cà, el ve mazza.» - Allora sti tosânn gh'han ditt: - «Se scondem sott a quella motta de brugh là: inscì en ne troverà no.» - Come di fatti han faa inscì. E lee la ghe dis: - «Sentìi, tosânn; farem ona robba. Diman mattina hoo de fà el pan e a vialter ve diròo: Vegnìi chi a juttà a mett denter el pan in del forno. Lu el ve dirà de andà là a boffà in del foeugh, e vialter disìgh che si minga bonn, ch'el v'insegna lu.» - Come di fatti lu el ghe dis: - «Tosânn, vegnìi chì, a boffà in del foeugh.» - E lor ghe disen: - «Semm minga bonn.» - E el mago el ghe dis: - «Vegnìi chì, che v'insegnaroo mì.» - E el se mett adrèe a boffà. Allora lôr gh'han ciappàa ona gamba per unna e l'han casciàa denter in del forno. Dopo han seràa su; e l'è mort denter. E quella donna i ha tignùu là come i so tosânn, e staven benissem. On dì ghe va là on poverett a cercà la caritàa: e l'era so pader de sti tosânn. E sti tosânn gh'han ditt: - «Se rigordèe quand n'avìi menàa in del bosch per fann perd? El Signor, nun el n'ha benedìi e vu el v'ha castigaa.» - In quel menter gh'è s'cioppaà ona venna del coeur e l'è mort subet.
     
      [2] Sgrammaticatura: che io sia. Benedetti soggiuntivi! Un ragazzo, che riprovammo tre anni fa negli esami di licenza liceale, si prese l'incomodo di stamparmi contro un libello, nel quale, fra le altre amenità, s'incontravano queste frasi: - «L'esaminatore Imbriani pretende, che la scelta fosse del professore, non badando, che in tutte le altre sedi liceali avvenisse il contrario.