 |
 |
In del strappàll, l'è borlàa per terra e l'ha ditt: - «O daj118!» - E gh'è compars come on'ombria. E st'ombrion l'ha ditt: - «Còsse te set vegnuu a fa cont st'aj?» - E lu, l'ha ditt, che l'è per portà a cà ai sò tosànn, che gh'han ditt lor de andà a cattall. E lu, l'ombrion, el gh'ha ditt: - «Ben! o ti te menet chì diman a st'ora vunna di tò tosànn, o la tòa vitta l'è andada.» - E lu, sto pover-òmm, l'è andàa a cà tutt stremìi119 a piang. I so tosann gh'han ditt: cosa l'era, che lu el gh'aveva? E lu l'ha ditt quell, che gh'era success. Donca120 i tosànn, la maggior l'ha vorùu minga andà, la segónda nanca121, e la minor l'ha ditt: - «Ghe andaròo mi!» - e l'è andada lee in sto sit cont el pà122. E quand el pader l'è stàa là con la sòa tosa, l'ha fàa a la stessa manera, che l'aveva fàa, quand l'ha strappàa l'aj. E allora l'è compars l'ombrion e l'ha ditt: - «Lassala chì, che la toa tosa l'è in bon man e la patirà minga.» - L'ha menada giò d'ona scaletta; e quand l'è stada giò, l'ha veduu on magnifich sit, inscì bell, ch'el pareva on palazz. E no ghe mancava nient, qualunque cossa, che lee la podeva desiderà. Solament, che la gh'aveva semper st'ombrion denanz ai œucc123, e la podeva mai pizzà el ciàr124 de sera; el gh'aveva proibìi lu, ch'el voreva minga, che de nott se pizzass el ciàr. E, quand el dormiva, lee, le sentiva a ronfà125 come ona persona. E la ghe voreva molto ben: la s'era tant affezionada, che la ghe voreva molto ben. La gh'ha cercàa el permess d'andà a cà a trovà i sò sorej126 e el sò pà. E lu ghe l'ha daa el permess domà127 per vintiquattr'or128. E lee, la gh'ha promess, che la saria vegnuda prima anca di ventiquattr'or.
|
|
