 |
 |
» - E on dì, cerchen la tosa de chì, cerchen de lì, poden mai trovalla. Ven la sira, sta tosetta la ven minga a cà. La soa mamma la manda attorno, dappertutt, per cercalla, e nissun le trœuva. La soa mamma, la mattinna, la va in strada; e tutt quij, che la incontra, la ghe dimanda, se aveven veduu ona tosetta. E ona donna, la ghe dis: - «Sì, l'ho veduda mi, che l'andava denter de quij restej, là, indove gh'è quel giardin.» - Allora lee, la mamma, la corr e la va denter in sto giardin; la gira dappertutt e la pò trovà nissun. Gh'era on bel palazz, di magnifich sâl, tanti corridor. In fin la incontra on scimbiott gross e la ghe dis: - «Voj ti! Ier è vegnùu chì la mia tosa, denter chì in sto giardin. Dimm in dove l'è; o se de no, mi te dòo fœugh al to palazz.» - E lu, el resta là; e el ghe fa segn, che lu, el sa nient. E lee, la ghe torna a dì: - «Damm la mia tosa; se no, mi te mazzi.» - Lu, el ghe fa segn de spettà; e lee, la ghe dis: - «Se te vegnet no, guarda, che mi ghe dòo el fœugh a la toa casa.» - Finalmente el ven, el ghe fa segn de andagh adrèe a lu. Lee, la ghe va adree; la ved, che el va in giardin; e là, gh'era tanti scepp de rôs, tanti piant d'ogni qualitàa. E la ved, che el gh'aveva in man ona verga. El va là, el tocca on scepp de sti rôs, e ven fœura la soa tosa de lee. E lee allora la dis: - «Tocca anca quell scepp lì» - E l'andava adrèe a vun a vun a faghi toccà tutt: - «se no, te mazzi e te doo el fœugh al palazz.» - El fatt l'è, ch'hin vegnuu fœura ona gran quantità de mas'cett, de tosannett: eren tutt incantàa, deventaven tutt de sti scepp de rôs. E lee, la ghe diseva: - «De chi l'è, che sìi vialter?
|
|
