EL TREDESÌN150.
     
      Ona151 volta152 gh'era on pover-òmm. El gh'aveva trèdes fiœu, e el saveva minga come fa per dagh de mangià. On dì, el ghe dis a sti fiœu: - «Andèm in campagna, in d'on quaj sit, a vedè, se podem trovà quajghedun153 de podè damm on poo de pan, on quajcoss154 de podè mangià.» - Reussissen a vess in d'ona campagna: là, gh'è on sit cont155 ona córt, e van denter. Gh'e là ona donna; e el Tredesìn el ghe dis, se la gh'aveva de dagh quajcoss, ch'el gh'aveva tredes fiœu. E lee la ghe dis: - «Pover-òmm, adess, me rincress, poss dav nient, perchè bisogna, che ve sconda; perchè, se ven a cà el me marì, che l'è el mago156, l'è bon de mèttes adrée à mangià i voster fiœu. Donca, prima besogna, che ve metta in cantinna; e che daga de mangià a lu. E pœu dopo gh'el diròo, che157 ve faròo vegnì de sora e ghe daroo de mangià anca ai voster fiœu.» - Difatti, el mago, el ven a cà. El ven a cà e el dis: - «Truss trusc158, odor de cristianusc159.» - «Tœu el mangià, perchè chi gh'è nissun de mangià.» - Quand l'ha avùu ben mangiàa, lée la ghe dis allora160: - «Sì caro ti; hoo scondùu in cantinna on pover-òmm con trèdes fiœu. Te vedet, di fiœu ghe n'emm anca nun. Sicchè, te vedet, donca, besogna dagh de mangià a quij pover fiœu lì.» - S'ciao, je fa vegnì de sora, e ghe dan de mangià a sti fiœu. E lu, el dis: - «Ben, adess, metti a dormì tucc. E mettegh in còo, ai noster de nun, la barretta bianca; e ai só de lu, ona scuffia rossa.» - E s'ciao, vann à dormì. Lu, el Tredesein, el lassa indormentà tutt i fiœu; e pœu adasi adasi el va, el ghe tira via la scuffia di so fiœu161 e ghe l'ha missa in testa a i fiœu del mago; e quella, che gh'aveva i fiœu del mago, ghe l'ha missa in testa a i so de lu.