E lu, el mago, la mattinna el se desseda, el leva sû, el va, el ciappa tutt quij della scuffia rossa e je mazza tucc e pœu via el va. E allora el Tredesìn, che stava lì a guardà, che lu, el se l'è immaginàa, che ghe stava denter quajcoss, che lu (el mago) el voreva fa quel tradiment, el ciappa i sò fiœu, je fa vestì e pœu via el scappa. La mièe del mago, la va per fa levà su i sò fiœu, la je trœuva, ch'eren tutti mazzàa. Ven a cà el mago; la ghe dis: - «Cosse t'hé fàa, ti? t'hé mazzàa tutti i noster fiœu.» - Allora el mago el dis: - «Ah quel baloss162 de quel Tredesìn! l'ha capíi, che mi voreva mazzàgh i fiœu! e lu, l'ha scambiàa i scuffi e mi ho mazzáa i mè.» - S'ciao, el Tredesìn, el va, el saveva minga come podè fa per viv con tutti sti fiœu. Ven, che on servitor del Re l'ha sentùu sta robba, che era success de sto Tredesìn; e lu ghe le conta al Re, per vedè s'el podeva dagh quaijcossa a sto pover-òmm, ch'el podeva minga mantegnì i so fiœu. E lu, el Re, el dìs: - «Sent, digh inscì: se l'è bon de andà là del mago a robà quel pappagall, ch'el gh'ha lu, che mi ghe darò ona gran sòmma.» - E lu, el Tredeseìn, el dis: - «Ma com'hoo de falla mì? Basta, provaròo d'andà là, quand el gh'è minga in càsa lu, che forsi con soa mièe poderoo robaghel.» - Difatti, el va; la gh'era, lee. L'eva lì cont in man el pappagall per portaghel via, quand càpita el mago. El mago, el ghe dis: - «Ah, te set chì adess? Te ne m'hê fàa già vœunna; adess te see chì per famm quella di dò163.» - El l'ha ligàa, e pœu el dis a la soa mièe: - «Guarda chì, adess andaròo a tœu l'acqua rasa, che vœuj dagh el fœugh.