EL RATTON E EL RATTIN
El ratton l'è andàa a provved el disnà. El gh'ha ditt al rattin de scumà la carne, e el rattin l'è borlàa dent in del caldar. Ven a cà el ratton, el cerca el rattin per tutta la cà e le troeuva no. Guarda in del caldar; el troeuva el rattin mort. Allora, disperàa, el trà el caldar in mezz a la cà. La banca, la dis: - «Perchè t'hê tràa el caldar in mezz a la cà?» - «Perchè el rattin, l'è mort; e mi hòo tràa el caldar in mezz a la cà.» - La banca, la dis: - «E mi saltaròo!» - E la s'è missa à saltà. L'uss, el ghe dis a la banca: - «Perchè te saltet?» - «Perchè rattin l'è mort, ratton l'ha tràa el caldar in mezz a la cà, e mi salti.» - L'uss, el dis: - «E mi andaròo innanz e indrèe.» - La scala, la dis: - «Perchè te vee innanz e indrèe?» - «Perchè rattin l'è mort, ratton l'ha tràa el caldar in mezz a la cà, banca salta, e mi voo innanz e indrèe.» - La scala, la dis: - «E mi andaròo tutt a tocch.» - La porta, la dis: - «Perchè te set tutt a tocch?» - «Perchè rattin l'è mort, ratton l'ha tràa el caldar in mezz a la cà, la banca salta, uss innanz e indrèe; e mi sont andada tutt a tocch.» - La porta, la dis: - «E mi andaròo giò de canchen.» - Gh'era on carr de foeura de la porta; e el gh'ha ditt: - «Perchè te set giò de canchen?» - «Perchè rattin l'è mort, ratton l'ha tràa el caldar in mezz a la cà, banca salta, uss innanz e indrèe, la scala tutt a tocch, porta scanchignada.» - El carr, el dis: - «E mi andaròo senza i boeu.» - Passa ona vipera e la dis: - «Perchè te see senza i boeu?
| |
|
