» - «Perchè rattin l'è mort, ratton l'ha tràa el caldar in mezz a la cà, banca salta, uss innanz e indrèe, scala tutt a tocch, porta scanchignada e mi vòo senza i boeu.» - La vipera, la dis: - «E mi me pelaròo.» - La vipera, la passa d'on fontanin. El fontanin, el dis: - «Perchè te see pelada?» - «Perchè rattin l'è mort, ratton l'ha tràa el caldar in mezz a la cà, banca salta, uss innanz e indrèe, scala tutt a tocch, porta scanchignada, el carr, el va senza i boeu, e mi sont pelada.» - El fontanin, el dis: - «Ben! e mi me sugaròo.» - Ven ona serva a cavà l'acqua e la ghe dis: - «Perchè te see sugàa, fontanin?» - «Perchè rattin l'è mort, ratton l'ha tràa el caldar in mezz a la cà, banca salta, uss innanz e indrèe, scala tutt a tocch, porta scanchignada, el carr, el va senz i boeu, la vipera, la s'è pelada, e mi me son sugàa.» - E lee, la dis: - «Ben; e mi trarròo el sidellin in mezz a la strada.» - E' vegnùu el padron; el ghe dis: - «Perchè t'hê tràa el sidellin in mezz a la strada?» - E lee, la ghe dis: - «Perchè rattin l'è mort, ratton l'ha tràa el caldar in mezz la cà, banca salta, uss innanz e indrèe, scala tutt a tocch, porta scanchignada, el car, el va senza i boeu, la vipera, la s'è pelada, el fontanin s'è sugàa e mi hoo tràa el sidellin in mezz a la strada.» - E lu, el dis: - «E mi, che sont el padron, la faròo in di calzon.»
ON RE E DÒ ZÒCCOR234.
Ona volta on Re e dò zòccor235 hin andaa in d'on giardin su ona pianta de pér236 a cattà237 pòmm238. L'è rivaa el padron de sti nespol e l'ha ditt: - «Giò de quij figh, ch'hin minga voster quij brugn239.» - E l'ha ciappàa on sass, che no gh'era; e ghe l'ha dàa tant su i calcagn, ch'el gh'ha fàa dorì240 on'oreggia241 per on ann.
| |
|
