Per saldar quel so librazzo,
      Vol da l’alto el padre Giove,
      Tropo el fa de nu strapazzo.
      Da l’inglese prepotenteXe in caéna messo el mar;
      Da la tera no vien zente,
      No vien roba da magnar.
      Su l’ancuzene(60) el martéloPiù dal fravo(61) non se pésta;
      Ogni artista varda el çielo
      Sfregolandose la testa.
      El paron se avezza soloA servirse come el pol;
      Ai tragheti no fa noloE bestemia el barcarol.
      Tase el Foro, el Magistrato,
      E ghe resta dentro in golaSenza fruto a l’avocato
      El bel don de la parola.
      Ogni zorno pien de fufa(62)
      El signor bate la luna,(63)
      Col governo el fa barufaPer salvar la so fortuna.
      No xe i bezzi che un augurioO de imposta o de preson,
      E fra i Numi el Dio Mercurio
      Spiega solo protezion.(64)
      Consegier, la strenze(65) assae:
      Consegier, per Dio che tremoChe a ste(66) misere palae
      No ghe resta apena el remo!
      Che in mancanza de biscoto,
      Pezo ancora dei soldai,
      No dobiemo de sto troto(67)
      Magnar sorzi scortegai.
      O che quadro se ne tócaSto gran caliçe inghiotir!
      Perdonè se el pelo d’ocaMi ve fazzo ancuo vegnir.
      Se copà da tanti maliEl vernacolo mio pletro
      Se desmentega i so saliE ve intona un novo metro.
      Lo so ben che al limbo sémo;
      Lo so ben che vita o morteAspetar nù qua dovemo
      Dai capriçi de la sorte;
      Che ridoti senza un bezzo
      (Pur ch’abiemo un dì vitoria)
      S’ha da meterghe un gran prezzoNel vocabolo de gloria;
      Che la lota xe ostinada,
      E che arbitrio no ghe avanzaA chi fede gha zurada
      Al sovrano de la Franza:
      Ma so ancora che naturaVol in tuto la so dose,
      Che in sta oribile torturaLa pol forse alzar la vose.
      Parlo a un omo de talento,