Coltre, che per nov’ore m’à coverto,
      E porto fora a stento le culate.
      Ma prima de andar zoso(78) a çielo averto,
      Spalanco de la camera un balcon,
      E de l’aria che fa cussì me açerto.
      No xe vana, per Dio, la precauzion;
      Chè dopo che son quà no passa zornoChe no se meta el tempo in convulsion.
      Calo(79) in zardin, de bei fioreti adorno,
      Ghe meto el naso su, li togo in man,
      E ziro per salute un’ora intorno.
      Parlo col contadin, zogo col can,
      Che me mena la coa, che me fa festaPer bruscar qualche fregola de pan.
      Ma dove dal piaçer perdo la testa,
      Xe co vardo l’inzegno sorprendenteChe de l’ave(80) el governo manifesta;
      E digo tra de mi secretamente:
      - No ’l gha un’ora de ben, sto bravo insèto,
      E mi, che un’omo son, no voi far gnente! -
      Ghe xe in banda del bozzolo(81) un spechieto,
      E çento volte al dì, come un putèlo,
      Torno sul buso e tiro de ochialeto,
      Ma el sol xe squasi a la metà del çielo,
      E sentindo che i vovi me se scota,(82)
      Meto in casa al coverto el mio çervèlo...
      Lezo, dopo, un’oreta el Don Chisciote,
      Gil Blas, e Robinson de Crosuè
      Me svegia l’estro, e lo fa andar de troto.
      Passo da la carega al canapè,
      E co tarda la rima al mio, comando,
      El naso me impenisso(83) de rapè.
      Intanto, fra ste buzare, nel sitoDestinà per disnar la puta zira
      Come gata che sente l’apetito,
      E la vorìa torme de man la liraCo ghe digo istizzà: lassime, aspèta.
      Chè bisogna ubidir co l’estro tira.
      Ma scordandome pò d’esser poeta,
      Me parechio al çimento, e magno riso,
      Vedèlo, colombin, carne perfeta.
      Gh’è fragole, gh’è sparesi, gh’è biso,(84)