Datum etc. XII decembris IX indictionis.
      Ivi, T. II, pag. 168.
      XLVIII.
      De pompis Messanensium in primo occursu Friderici Regis post ipsius coronationem.
      Nec vacat presentis narrationis stilo perstringere quanta varietate tripudii transeuntem Regem Policium, Nicosia, Randacium, et quecumque loca sunt his media, pro viribus receperunt; quoniam superest precellentem alios ditiori cultu apparatu Messanensium explicare. Occurrunt Regi longe ante civitatis ingressum populares turme forensium cum vexillis variis in habitu incedentes; occurrunt et religiosi viri in psalmodiis et canticis exultantes: occurrunt etiam turbe nobilium in equis velatis auro, et sericis in vestibus, quas Consularis Romanorum dignitas etiam in suis magnificentiis indui non horreret. Cumque appropinquasset Rex menibus civitatis, ecce matronarum et virginum turba spectabilis Regi obviam incedebat. Harum quidem varios cultus, et pretiosos habitus pirticulariter scribere non presumo, quas nec hebreorum Hester, nec Helena troyanorum, nec Dido Regina Carthaginis suis temporibus superasscnt. Sed quid referam? Omnis gemmarum varietas, omnis pretiosus et discolor in auro et sericis habitus orientis, cunctaque aromata Indorum e harabum in ea turba videbantur esse congesta. Rex civitatem ingreditur palliatus, pallio quidem pretioso, quod in auratis hastis electi nobiles sustentabant. Vox exultationis et laudis Regie preconis voce premittitur. Qui precedebant, et qui sequebantur id ipsum cum gaudio concinebant. Exultabant siquidem in claustris virguncule, pueri comitantes parentibus et nutricibus applaudebant.