Et propterea te praesentes habere velimus, et devotionem tuam requirimus, quatenus incontinenti, receptis praesentibus, pro praedicta causa celeriter ad nostram praesentiam debeas te conferre. Et si propterea commode nequiveris venire, procuratorem tuum ad hoc sufficienter instructum, et omni tua auctoritatae suffultum, responsurum, tractaturum, et facturum nobiscum super his et aliis, ac si praesens esses, ad nostram praesentiam celeriter mittas: adeo quod te, vel praedictum procuratorem tuum ut sopra infra dies quindecim a die datae praesentium in antea numerandos in curia nostra praesentem infallibiliter habeamus. Datum Messanae XXVIII augusti tertiae indictionis.
      Ivi, Tom. II, pag. 212 e 213.
      LIV.
      Sanctissimo et in Christo patri sacrosanctae romanae ac universalis ecclesiae summo pontifici, Jacobus Dei gratia rex Aragonum, suus devotissimus filius, seipsum ad pedum oscula beatorum.
      Vestra sanctitas non ignorat, quam dura quamque gravis guerrarum commotio suscitatur inter illustres reges Robertum et Fridericum, occasione Siciliae, quae guerra non erit modicum damnosa dictis regibus, ac totae Christianitati, nisi per sanctitatem vestram de opportuno remedio succurratur. Ea propter sanctitati vestrae preces porrigimus subjectivas, quatenus vos, qui estis universorum christianorum caput et custos, et de animabus eorum estis redditurus altissimo rationem ipsis christicolis ad bella et guerras mortiferas se viriliter et potenter parantibus, pio et paterno compatientes affectu, dignemini, et velitis, si placet, super his taliter interponere partes vestras, quod inter nominatos reges, et eorumdem regnicolas non fictae pacis tranquillitas, et unanimitas effectualiter reformetur, ne sanguis ipsorum in die districti examinis de vestris inanibus requiratur: alioquin constet vobis, quod nos non possemus ullo modo deficere in necessitatibus suis dicto regi Friderico fratri nostro, quin immo ex nunc intendimus ipsum juvare contra praedictum regem, et quoscumque valitores suos, cujuscumque condictionis, et status existant: describentes nobis, si placet, quidquid vestra sancitas duxerit super his, dante Domino, salubriter disponendum.