Datum Cataniae per venerabilem Damianum de Palicio de Messena juris civilis professorum, Regni Siciliae logothetam, et cancellarium, ac cappelle nostre magistrum cappellanum, anno domini MCCCXXXVII mense februarii XII ejusdem VI indictionis.»
      Ivi, Tom. I, pag. 542.
      LVII.
      La pachi seu tregua facta infra Ludovico, et Joanna.
      Facta la recuparacioni di lu castellu, et terre di Lipari, como di supra ej dictu, lo prefato conti Raymundo con quilli galey subtili, che avia di Lipari, si partono andao discurrendo per li maritimi lochi di Napoli, et altri lochi vichini di quilla, multi, et diversi damni fachia a li regniculi, pigliando genti; et accussì, como plassi a Deo declinando hostilimenti in lo portu di la chitati di Napoli, multi chitatidini di la predicta chitati di Napoli incommenxaro a exclamari dichendo, faczasi piachi, faczasi piachi, che non potiano omni jorno comportari quisti simili invasioni, et insulti, et guerri; di li quali vuchi, e tumulti di populu la dicta Joanna perterrita, seu da Deu ispirata, sto predicto conti Ramundo cum certa securitati destinau certi soy ambaxiaturi, fachendo chiamari in sua presencia a lu dicto Conti Ramundo per raxunarili di la pachi infra ipsa Joanna, et Lodovico; undi avendo andato a lo dicto Conti Ramundi, xisi in terra, et andato in presencia di la supradicta Johanna, cum la quali ad plenum havendo super lo trattato di la pachi raxunato, mandao cum lo predicto conti Ramundo per ambaxiaturi in Sicilia a lo predicto Johanni, et Lodovico a lo nobili Sandalo de Imbriachi di Napoli, et certi altri colleja, li quali cum li galej di lo dicto conti Ramundo venendo in Sicilia in presencia di Lodovico, di consenso, et volontati di lo dicto Johanni duca Ciano di Lodovico, devinniro in accordo et pachi.