'Na jurnata cci dissi: — «Saddaedda, Saddaedda300, ti lassu sti puddicini: vidi ca ha' a scupari la casa, ha' a cunzari lu lettu, ca poi vegnu.» Saddaedda cunzau301 lu lettu, scupau la casa, poi si pigghiau un puddicineddu 'n manu; a stu puddicineddu cci misi a circari piducchieddi, linnireddi302; nna 'na pinnicedda cci avia 'na pulisedda303, e sta pulisedda cci vinni 'n manu a la picciridda.
      Ora cc'era un mircanti; stu mircanti vinnía robba; comu vinnía robba era un riccuni di chiddi 'n funnu,304 e cui cci dicia un cuntu senza diri «si raccunta,» pigghiava e cci dava la putïa305. Tanti e tanti cci ìjanu e tutti cci dicianu: — «Si raccunta», e iddu cci vincía lu pattu. Cci iju sta picciridda cu sta pulisedda e cci dissi: — «Signuri e mircanti,306 io sugnu vinuta pi cuntàricci307 un cuntu senza diri si raccunta.» Pigghiau lu mircanti, quant'agghica,308 dici: — «Vattinni tu murvusazza309! Comu cci la sai a cuntàrimi lu cuntu senza diri si raccunta?» Quantu310 agghica idda e cci dici:
      «Nna vota cc'era sta pulisedda,311
      Sta pulisedda parrava e dicia:
      «Nesci mircanti, chi la putïa è mia»
      E arristau chidda picciridda patruna di la putïa, e lu mircanti si nn'appi a jiri312.
      Idda arristau filici e cuntentiE ccà niàtri313 senza nenti314.
      E lu cuntu accabbau315.
      Erice316.
     
      VARIANTI E RISCONTRI.
     
      Di questa novellina ne ho una versione di Cianciana raccontata da un maestro Rosario Diliberto, cavatore di zolfo, e trascritta dal sig. Gaetano Di Giovanni. Eccola:
      Lu si raccunta.
      Si raccunta ca cc'era un patri poviru, e pussidía sultantu un sceccu317. Stu patri fici lu tistamentu, e avia tri figli: e a unu ci lassà'318 lu sceccu, ad unu lu sidduni319, e a unu la cigna320; chiddu chi appi lassatu lu sceccu si nni ji'321 da un paisi pi vinniri lu sceccu.