Li fati sintennu dd'oduri, si misiru a cunfunniri; ddocu410 vennu l'omini forti, ca dunanu manu a la mazza e cci scaccianu li testi. La figghia di lu Re 'ntra un vidiri e svidiri è libbira; la nescinu fora, e l'apprisentanu a sò patri. Cunsiddirati la festa di lu patri! 'nta lu megghiu, iddu chiama la purtunaredda antica, e cci dici: — «Ora fammi attruvari all'àutra figghia mia». Idda cci rispunni: — «Chidda chi stà parrannu cu vui è la figghia chi circati». Lu Re allura la ricanusci, e si cci acciccia a lu coddu,411 la vasa, e cchiù di cchiù criscíu la festa. 'Ssennu 'mmenzu412 li cuntintizzi eccu ca s'avanza lu Riuzzu di Purtugallu e dumanna: — «Vui, Principissa, nun siti chidda ch'aviavu la pupa, chi io v'arrubbai?» Idda cci dissi di sì. Allura si vôta cu lu Re di Spagna e cci dici: — «Maistà, io sugnu lu figghiu di lu Re di Purtugallu; sugnu 'nnamuratu di sta vostra figghia, e perciò vi la dumannu pi mugghieri» — «Ti sia cuncessa,» cci rispunni lu Re; e accussì si maritaru.
      Iddi arristaru filici e cuntenti,
      Nui semu ccà e nni stricamu li denti.
      Palermo413.
     
      VARIANTI E RISCONTRI.
     
      È la fusione di più novelle, le quali si trovano meglio distinte nella precedente novella, a cui l'ho fatta seguire quasi come un'importante variante di essa.
      IV.
     
      Povira-bedda.
      'Na vota c'era 'na vèccia414 ca avia 'na niputi bedda, e pi campari stavanu spiranza di tuttu chiddu ca cci dàvunu li bonifatturi. Chista si ciamava Povira-bedda. Un jornu passau 'nu415 zannu, unu di chiddi ca vanu416 caminannu cu la scusa di 'niminari417 la vintura pi scippari dinari418 a li poviri fimmini ca ci crìdunu, e si misi tantu 'ncuttu419 cu Povira-bedda, ca la pirsuasi a numinàrisi la vintura.