Lu patri comu trasíu 'ntra lu paisi, si vitti 'n'ŕutra vota annigghiatu di genti, ma stu cavaddu nun mangiava cu nuddu. Pri dispiratu, lu purtau 'nta lu Re: lu Re comu lu vitti niscíu foddi697, ma comu avia a fari pri avillu, 'na vota ca 'un ci fu putenza ca vosi mangiari? Armatu di pacienza, lu poviru patri si lu stava purtannu, quannu affacciau la figghia di lu Re, ca vidiennu stu cavaddu, si ni 'ngiammau698, e vosi vidiri si iddu mangiava cu idda, e ci mangiau. — «Papŕ, ci dissi a lu Re, lu cavaddu č miu, datici a stu buon uomu tanta munita quantu pisa lu cavaddu.» —
      Lassamu ora a lu patri cu li suoi figghi, e pigghiamu a la Rigginotta ca vosi lu cavaddu 'ntra la sň cammira, e ci dava a mangiari soccu mangiava idda699. 'Na nuttata mentri la Rigginotta arripusava, 'nveci di ddu cavaddu, s'ha truvatu davanti 'nu bellu giuvini. D'allura 'n puoi sta picciotta 'un si facia a vidiri cciui, tantu ca sň patri 'un sapia chi pinsari. Un jornu 'n'amica fidata sua si la ciamau pi spijŕrici la ragiuni di stu sň cangiamientu. Idda, troppu bona, ci cuntau lu tuttu raccumannŕnnuci, nun sulu di nun lu diri a nuddu, ma di nun circari di vidilla, pirchě, si l'avissi vistu, avrienu passatu gran peni idda e iddu. Nun ci l'avissi dittu! La fidata nun appi ŕutru pinsieru ca ammucciŕrisi darrieri a lu pirtusu di la porta pi vidillu; 'nta un fiat lu cavaddu spiríu. La Rigginotta nun vidiennulu cciui, accuminzau a 'sciri pazza,700 e zittu iu e zittu tu, si misi 'n viaggiu a la svintura, 'un sapiennu quali terra l'avia a riparari, e si persi 'mmienzu li vosca701. Camina, camina, trasíu 'ntra un vuoscu, e vitti un casamientu; tuppuliau e ci arrispunni 'na vuci arrummurusa: — «Cu' č dduocu?