Pri truvari stu palazzu havi bisognu di sta virga, pirchė dannu710 tri cuorpi 'n terra, ci la fa truvari; puoi, di li tri dona di li mammi-traj, di la nuci, pi truvari l'antrata; di la mičnnula, pi truvari lu quartu unni č misu iddu; di la nucidda, pi vidiri unni č misu iddu. La picciotta, comu 'ntisi chistu, 'un appi āutru pinseri ca di pigghiarisi la virga e truvari lu palazzu, e trāsiri cu li tri doni fina 'nti iddu. E lu truvau 'nta lu statu ca ci avia dittu lu Vientu suttili, e cominciau a ciānciri a lagrimi rutti. Ma quannu ci vuličvunu dui jita a jingėrisi li quartari, 'un putiennu ccių711, ci dissi la testa a la picciotta di affacciarisi 'ntra la galleria, pirchė si sintia accupata. Comu s'affacciau vitti 'un bastimientu ca lassava 'na schiava 'nta la spiaggia, e idda ci facia 'nsinga712. Idda la ciamau e la fici 'ccianari713. Li fimmini, sapiti ca sunu lienti di stomucu714: e la picciotta 'un appi āutru pinseri ca di cuntari la sō stųria a dda schiava, ca ci cunsigghiau di curcārisi pri arripusarisi. La picciotta si lassau pirsuadiri, e la schiava pinsau di giustu di mittėrisi a ciānciri e jėngiri li dui quartari. Lu Re Cavaddu-muortu accuminciau a rispigghiarisi, e vidiennu a sta picciotta, cridiennusi ca fussi la Rigginotta, accuminciau a cuntārici tuttu chiddu ch'avia suffertu pi idda. La schiava, ca avia saputu lu tuttu, ci cuntau tuttu lu viaggiu ca avia fattu, ma lu Re 'un si putia pirsuadiri, comu idda avia potutu addivintari accussė brutta, e ci dissi ca 'un ci paría, puru ca ci avissi purtatu tutti li signali, ca fussi la Rigginotta.