— «E io Mandruna mi chiamu; cci dici la Rigginedda cuntenti cuntenti.» — «'Nca io 'un lu sŕcciu?!» cci dici allura Mandruni. — «E ora comu facemu? (dici la Rigginedda). Io mi nni vogghiu včniri cu tia.» — «E comu (cci dici Mandruni) ca tutti ti canuscinu?» Pensa, pensa, all'urtimu idda stissa cci dissi: — «Talč ch' ha' a fari: stasira tu t'ammucci 'nta lu jardinu; io a menzannotti scinnu, e accussě fujemu.» — Piatticedda fatti,762 a la menzannotti, la Rigginedda metti a calari trůsci cu biancaria, ŕbbiti, oru, argentu, robba 'n quantitati. Muntŕru a cavallu, e, santi pedi, aiutatimi! si la furaggiaru. Fannu li gran camini; 'nta li campagni si sapi, cci su' li fůnnachi; ogni jornu Mandruni e Mandruna s'arripusavanu, e poi sicutavanu lu viaggiu.
      'Na jurnata mentr'eranu 'nta 'na campagna aperta, ca avia assai ca 'un si risturavanu, si vňsiru arripusari: la testa di Mandruna supra li gammi di Mandruni: s'addurmisceru. Mentri durměanu, scinni un corvu, scěppacci n'aneddu ch'idda avia 'nta la manu, e scappa. Mandruni ca senti lu scrůsciu di l'ali, s'arruspigghia, e vidi stu corvu. Chi fa? si susi, appoja la testa di Mandruna supra 'na trůscia, e si metti a 'ssicutari lu corvu. Curri di ccŕ, sata di ddŕ, acchiana, scinni: si spersi senza aneddu e senza Mandruna.
      Jamu a idda. Comu s'arruspigghia e si vidi sula e senz'aneddu. — «Ah! tradituri! (dici) ca mi livasti di la mč casa p'abbannunŕrimi! E com'haju a fari! mischina mia» Mentr'era 'nta sta cunfusioni, passa un viddanu. — «Bon omu, (cci dici) mi lu vuliti fari un favuri?