Vedi il principio della novella XII e sue varianti e riscontri. Mandruna che apre l'albergo e dà ricetto gratuito a chi le narri i casi suoi trova riscontro nel ricco mago che impietosito de' casi di Penta mano mozza promette una corona o uno scettro di oro a chi verrà a raccontargli qualche sua disavventura. V. Lo cunto de li cunti, III, 2.
      XV.
     
      Lu Re di Spagna.
      Si cunta e s'arriccunta stu billissimu cuntu a lor signuri.
      Cc'era 'na vota un figliu di Re di Spagna e prigava a sò matri pi fàricci jiri a fari tanticchiedda di caccia cu li so' manu. — «Mamà, Vassa780 cci lu dici a Sagra Crûna781 quantu mi vaju a divertiri a caccia» — «No, figliu mio, ca tu ti va' a perdiri!» — «E comu m'haju a perdiri cu tanta truppa di surdati chi mi pigliu? Vassa mi duna dui riggimenti di surdati, e accussì 'un havi paura.» La Riggina cci lu dici a lu Re: «Lu picciriddu voli fari tanticchiedda di caccia cu li so' manu; mannamuccillu» —
      «No, mogli mia, pirchì a lu picciriddu lu pirdemu.» Ma la Riggina tantu lu prigau, ca lu Re chiamò a li Ginirala, cci detti dui riggimenti di surdati, e cci dissi: — «Apriti l'occhi pi stu picciriddu, e stati veglianti782 pi ottu jorna, ca si pirditi stu picciriddu, siti dicapitati di la vita783.» Li Ginirala si pigliaru li truppi, e jeru appressu a lu Riuzzu. Juncennu 'nta un voscu, lu Riuzzu cci dissi: — «Ora picciotti, attrummintàmunni784 un puocu nni stu voscu, e poi sicutamu a caminari.» Mentri li surdati s'attrummintàvanu, piglia stu picciriddu e piglia 'na via. Si sdruvìglianu785 li surdati, e 'un vidinu cchiù lu picciriddu.