»
      Il principio di tutta la novella ha di quello della 77 della Gonzenbach: Die Geschichte von pezzi e fogghi (La storia di pezzi e fogghi). Vedi per altri riscontri la nov. seguente e la sua nota finale.
      XVII.
     
      Marvìzia.
      Cc'era 'na vota un Principi; stu Principi avia 'na figghia e nni niscia foddi. Sta picciotta 'un amava nè spassi, nè divirtimenti, sulu chi s'allianava cu 'na grasta c'un piduzzu di rosa854. Stu pedi di rosa facía 'na rosa l'annu; e 'nta lu menzu la simenza comu chidda chi si mància855. 'Nca 'na jurnata, mentri era allianata, cala n'aceddu virdi, si posa supra la rosa, mànciasi la simenza e scappa. Sta picciotta si metti a pilari gridannu: — «Ivì! chi focu granni! L'aceddu virdi sì manciò la simenza di la rosa!... Io l'aceddu virdi vogghiu!... Io l'aceddu virdi vogghiu!» Lu patri, ca di sta figghia nni niscía foddi, chiama Cunsigghiu supra st'aceddu virdi. Dicinu li savii: — «St'aceddu havi a turnari; si metti 'na riti; comu l'aceddu virdi 'ncugna, subbitu 'ngàgghia, e finisci.» — «Bella, bella!» dici lu Principi. Li so' criati mìsinu li riti. Mentri la picciotta era ammucciata, scinni l'aceddu virdi, e 'ncugna; ma comu 'ncugna e s'adduna di la picciotta, grida: — «Vih vih! ch' 'un 'ncugna cchiù! Vih vih! ch' 'un 'ncugna cchiù!856» E si nni acchianò arreri. Figuràmunni a idda cumu nni lu vitti acchianari! — «Io l'aceddu virdi vogghiu! Io l'aceddu virdi vogghiu!...» Cu' cci l'avia a dari st'aceddu? Vidennu ca st'aceddu 'un putia nasciri, idda si fa fari 'na vesta di pilligrina cu dui cròcchiuli 'n pettu, si pigghia un vastuni niuru, e di 'na scala sigreta nesci fora lu palazzu.