Altri riscontri colla novella cita il Köhler nella 16 delle Wergleichende Anmerkungen alle Sic. Märchen.
      XIX.
     
      Lu Scavu.
      'Na vota cc'era un cavuciliddaru, chi avia tri figghi fimmini. Chistu, mischinu, jennu a cavuliceddi, 'un avia pututu truvari mancu un filu d'erva, tantu ca 'na jurnata cci dissi a sň figghia Rusidda: — «Cci vô' včniri cu mia a cogghiri cavuliceddi, ca forsi cu tia nni trovu quarcunu?» — «Sissignura, ca cci vegnu!»
      Essennu nna la campagna, 'un pňttiru truvari nudda truffidda905. Ora a un certu puntu Rusidda s'addunň di 'na bella funcia, e si misi pi tiralla. Ma fu 'mpussibili, pirchě era tanta radicata, ca cci fu bisognu di chiamari a sň patri. Tira, tira: ddoppu di aviri studiatu tuttidui un'ura, la funcia si nni veni, e cci cumpari un Scavu. — «E chi stati facennu ccŕ, tuttidui?» cci dici lu Scavu. — «E chi! havi un'ura chi travagghiamu pi scippari sta funcia, e 'un cci avemu pututu arrinčsciri.» — «E tu (cci dici lu Scavu a lu patri) mi la vô' lassari a sta bedda figghia chi hai? ca tň figghia ccŕ cu mia addiventa 'na Riggina? Io ccŕ sutta haju un beddu palazzu ch'č 'na musía.» Lu poviru patri cci dici: — «A mia! idda l'havi a vidiri. Tu, figghia mia, cci vôi arristari cu stu signuri?» — «Sissignura.»
      Lu Scavu cci detti a lu patri 'na vurza di dinari, e si cci licinziau. Rusidda cci dissi: — «Vassia mi saluta a li me' soru.» — «Comu! cci dissi allura lu Scavu a Rusidda, dunca tu ŕutri soru hai? e quantu nn'hai?» — «Dui,» cci arrispunniu Rusidda. — «Dunca, cci dissi lu Scavu a lu patri, faciti včniri ogni tantu sti suruzzi a stu pirtusu pri vědiri a Rusidda.