Jamu a li sbannuti. Quannu si sbrďacaru, cuminciaru a dirisi: — «Chi si' curiusu! ti manca lu nasu!» — «E a tia lu labbru!» — «E a tia lu jiditu!» E ddocu cunsiddirati la rabbia. Si vôta lu capu-latru: — «Lassati fari a mia, ca di sta birbantuna mi nn'haju a viviri lu sangu!»
      Jamu a li picciotti. Lu 'nnumani li picciotti cci dissiru a la maistra: — «Vassa carría991.» E la maistra accussě fici. Lu sbannutu capu pricura 'nta mentri dudici sacchi di carvuni; cci 'nfila li latri, e supra a la vucca992 cci metti carvuni. Iddu si mascaría e scinni nna lu Cŕssaru; 'ncugna nni la putia di un mircanti; e cci l'offirisci. Cumměnanu lu prezzu; cci 'mposta 'nta la sala li sacchi e si nni va.
      Ora la figghia di stu mircanti era dda granni diavuluna chi java a la maistra e cci avia tagghiatu li nasi a li latri. Chista vidennu ddi sacchi di carvuni, cci dissi a lu patri: — «Papŕ, 'nta sti sacchi 'mbrogghiu cc'č. Lassassi fari a mia.» Chiama la fimmina, e adduma 'na pocu di focu e cci 'nfila 'na pocu di spita993. Comu vidi ca eranu 'nfucati, nfi nfi nfi, e li 'nfila dintra li sacchi e li lassň tutti attisati994. Lu capu-sbannatu la 'nnumani aspittava ca li cumpagni avissiru turnatu cu la prisa; ma ancora stŕ aspittannu. Comu acchiana lu patri di la picciotta senti fetu. La figghia cci dici: — «Vassa si zitti; ca ora cci fazzu vidiri.» Chiama lu criatu, cci fa scinniri li sacchi, e poi cci li fa grŕpiri. Ristaru alluccuti, patruni e criatu. Ddocu, idda manna a chiama la Giustizia995 e cci rapprisenta lu fattu.