Tira e tira; quando egli fu un po' alto da terra, Sosizzella lasciò il laccio e tutto, e il capoladro fu per perdere la vita. Da ultimo le nozze si celebrarono, e la briga finì colla bambola di zucchero e miele.
      XXIV.
     
      Bianca Cipudda.
      'Na vota cc'era un patri. Stu patri avia un figghiu e lu vulía beni quantu l'occhi soi; era riccu e avia tanti e tanti fèuda. Vinni ca Diu lu vosi, e lu mischinu cadíu malatu 'nfirmu. Essennu 'n trattu, si chiamau a sò figghiu, chi si chiamava Giuseppi, e cci dissi: — «Figghiu mio, io moru; tuttu chiddu chi haju è tuo, ma sai chi ti lassu pi rigordu? guàrdati di la Bianca Cipudda.»
      Stu picciottu avia amici, e facia cu iddi quarchi caminata. Un jornu caminannu vidi vèniri un sceccu càrricu di cipuddi bianchi; comu lu vitti nn'appi tantu tirruri ca lassa 'n tridici a tutti l'amici, e santi pedi ajutatimi! L'amici arristaru alluccutizzi di sta cosa, e nun sapianu chi fari, nè chi diri.
      'N'àutra vota successi lu stissu cu àutri amici, e iddi nun si sapianu dari paci mancu di sta cosa. Dunca lu jeru a truvari, e cci spijaru chi vinìanu a diri sti parti, e si cci mustraru allagnati. Iddu cci rispusi: — «Scusati, amici: vui aviti raggiuni; ma mè patri mi lassau dittu prima di mòriri, di guardarimi di la Bianca Cipudda; e di ddu jornu io vôtu strata vidennu cipuddi bianchi.» L'amici mìsiru a spisciunàrisi di ridiiri sintennu chistu, e lu pigghiaru pi 'gnuranti. — «Sta Bianca Cipudda, cci dissiru, nun è la cipudda di jardinu, ma è 'na signura ca quannu si cci manna pi matrimoniu, cci dici: «Sì, trasiti, jucamu: si vu' vinciti, siti mè maritu, ma si pirditi, vi nni putiti jiri.