Quannu idda si vitti persa, cci dissi: — «Don Giuseppi, vui siti mè maritu; nuddu cci ha pututu cu mia, ma vui cci putistivu.»
      Iddu allura cci dissi: — «Sti picciuli su' vostri, ma prima avemu a jiri a la Chiesa, e quannu nni maritamu vi li dugnu.»
      Iddi ristaru filici e cuntentiNui semu ccà, e nni stricamu li denti.
      Palermo1003.
     
      VARIANTI E RISCONTRI.
     
      Mutata qualche circostanza, come p. e. quella del giuoco, questa novella è una buona parte della 1.a novella della Giorn. IV. del Pecorone: — «Giannotto morto il padre va Vinezia ed è accolto come figliuolo da messer Ansaldo ricco mercante. Vago di vedere il mondo, monta sopra una nave, ed entra nel porto di Belmonte. Quel che gli avvenne con una vedova, signora di esso, la quale prometteva di sposar colui che giacendosi con lei n'avesse preso piacere.» Nel Pecorone la donna riesce a trionfare di tutti coloro che si cimentano con lei mercè di una bevanda soporifera che ella fa dar loro prima di andare a letto. Giannotto la terza volta riesce a trionfarne perchè avvertito da una buona cameriera di non bere del liquore.
      XXV.
     
      L'arginteri.
      'Na vota cc'era 'na matri ch'avia tri figghi, dui masculi e una fimmina. Lu maritu cci avia murutu, e li figghi masculi la mantiníanu travagghiannu. 'Na vota (li picciotti si sapi: lu divirtimintuzzu ogni tantu lu vonnu) jeru a caccia, e la sira cci purtaru a sò matri n'aceddu di tanti culura cu 'na curuna di pinni 'n testa. Cci dissiru:— «Mamà, vassa vidi ca st'aceddu cci lu cunsignamu vita pi vita.» Lu 'nnumani idda appulizzia st'aceddu1004, e trova perni, domanti e petri priziusi.