VARIANTI E RISCONTRI.
     
      Non ricordo perfetti riscontri con questa novella, che pur sembra doverne avere colle novelle d'altre province d'Italia come le ha con quelle del resto d'Europa. Bensì non poche circostanze di essa si ritrovano nelle Sicil. Märchen della Gonzenbach, n. 16: Die Geschichte von dem Kaufmannssohne Peppino, ove Peppino si offre come guardiano di pecore a un fattore ecc; n. 30: Die Geschichte von Ciccu, ove un cavallo si fa consigliere di Cicco, quando i cortigiani macchinano contro di lui presso il Re ecc. Le confidenze della moglie di Beppe alle sorelle si riscontrano nella novella XXXI di questa raccolta e nella nota in fine.
      XXVIII.
     
      La vurza, lu firriolu e lu cornu 'nfatatu.
      Dici ca 'na vota cc'era un patri e avia tri figghi, e nun pussidia àutru chi 'na casa. Un jornu si la vinníu e si risarbau li tri pisola1083 avanti la porta. Stu patri era muribunnu, e vulia fari tistamentu; tutti li vicini cci dicevanu: — «Ma vui chi aviti a lassari? vui nun aviti nenti!» E 'nfatti li figghi nun cci vulevinu chiamari lu Nutaru. Lu 'ntisiru àutri amici, e cci lu ficiru chiamari. Vinni lu Nutaru e cci dumannau chi cosa avia a scriviri; iddu cci rispusi: — «Avía 'na picciula casa; mi la vinnii e mi risarbai li tri pisola ca cci su' avanti la porta; a mè figghiu lu granni cci lassu lu primu pisolu; a lu minzanu, lu secunnu; e a lu picciulu, l'urtimu pisolu.» Li tri figghi ca èrinu di mala cunnutta, e chi li juncia lu pitittu e la fami macari1084, doppu ca muriu lu patri, lu figghiu granni pinsau e dissi: — «Iu ccà, 'ntra stu paisi, nun pozzu campari; ora mi scippu lu pisolu ca mi lassau mè patri, e mi ni vaju 'ntra n'âtru paisi.