Partíu lu 'mmasciaturi; comu lu Re appi sta 'mmasciata, cunsiddirati la cuntintizza pinsannu ch'avia asciatu 'na figghia.
      Si misiru 'n viaggia lu Re e la Riggina; arrivannu a lu postu: bbuhm! bbuhm! — «Cu' veni?» — «Veni lu Rignanti». Comu lu Re e la Riggina vittiru la figghia, si l'abbrazzaru e si la vasaru. La figghia fici l'arricanuscenza di lu patri e la matri; e si fici lu matrimoniu, e cci fu un gran fistinu pi tutta la Spagna.
      Iddi arristaru filici e cuntenti,
      Nuàtri ccà nni munnamu li denti.
      Palermo1276.
     
      VARIANTI E RISCONTRI
     
      Confrontisi col tratt. 2 della Giorn. 1. del Cunto de li cunti, La Mortella: «Na Foritana de Miano partorisce na mortella, se ne 'nnamora no Prencepe, e le resce na bellissima Fata: va fore, la lassa dinto la mortella, co no campaniello attaccata trasenno dinto la cammara de lo Prencepe certe femmene triste, gelose d'isso, e toccanno la mortella, scende la Fata, l'accideno, torna lo Prencepe, trova sto streverio, vò morire de doglia; ma recuperanno pe strana ventura la Fata, fa morire le cortesciane, e se piglia la Fata pe mogliere.»
      La seconda metà della nostra novella ha un fondo simile alle Palli magichi, della quale vedi i riscontri, specialmente pel dialogo del drago e della draga sotto l'albero.
      XXXVIII.
     
      Li palli magichi.
      'Na vota cc'era un Re; si cridía ch'era beddu; avía 'n specchiu1277 e sempri dicía:
      «Specchiu beddu miu giucunnu,
      Dimmi cui cc'è cchiù beddu di mia a lu munnu.»
      Sò mogghi suppurtau ppi dui, tri, quattru voti; all'urtimata cci arrispusi, e dissi: