»
      Richetta e sò maritu, Re e Riggina 'ncurunati,
      Arristaru filici e cuntenti,
      E nui ccà chi nni munnamu li denti.
      Borgetto1424.
     
      VARIANTI E RISCONTRI
     
      Una versione fiorentina qua e là modificata è I tre fratelli che si legge in nota all'esempio XII della Novellaja fiorentina dell'Imbriani. Le figlie son figli; il padre non è un Re; egli promette che entrerà primo in casa colui tra' figliuoli la cui moglie vincerà queste prove: 1° cucire meglio una camicia; 2. filar meglio una libra di lino; 3. montar meglio e con meglio gusto il proprio appartamento. La rana, moglie di Checchino, vince le prove. Essa era una principessa fatata.
      I doni delle fate son comunissimi nelle nostre novelle.
      XLVII.
     
      Lu Custrïeri1425.
     
      Si cunta e s'arriccunta stu billisimu cuntu.
      'Na vota cc'era un custrïeri, chi java tagliannu robbi a li signuri. 'Na jurnata fu chiamatu 'nta 'na casa e iju a tagliari un abitu, e tutti li frantuglieddi1426 si li sarvà' 'nta la sacchetta. Comu cci addumannà' licenzia a la signura, scinnì'. Cci vinni di fari, parrannu cu pirdunu1427, un attu granni1428, e stava abbuttannu1429. Cc'era un bagliu, si calà' e fici 'nzo chi1430 avia di fari. Poi piglia li ritagli, e vistì', l'haju a diri?... Lu cuntu dici chi vistì'... 'nsumma 'na cosa tanta1431. 'Nta mentri passanu li fati, e dissiru: — «Chista cosa chi è?» Arrispunni una: — «Ora l'âmu a fari donna sta cosa.» Arrispunni l'àutru: — «Iu cci dugnu un damanti;» e cci misi un damanti; e dda cosa addivintà' 'na billissima giuvina, ma nun cutuliava nè nenti1432.