L'accosta a sta quadàra e cci dici: — «Spògghiati!» Mentri idda si leva lu primu àbbitu, e grida a vuci forti: Suli! l'àbbitu scruscíu comu si fùssinu ciancianeddi. Lu Riuzzu senti stu gran strepitu e attenta(153). Anna si leva l'àutru àbbitu, e grida cchiù forti: Perna!... e l'àbbitu scruscíu. — «Ah! dici lu Riuzzu, mi pari lu strepitu di Anna, chi chiama a li me' figghi!» Mentri la vecchia cci fa livari lu terzu àbbitu, lu Riuzzu smaniannu si susi, si mètti a grancicuni(154) e va a vìdiri. Idda levasi lu terzu àbbitu, e grida, ma cu 'na vuci ca livava l'arma: Anna!(155) lu Riuzzu, a quattru pedi curri e va nna la càmmara, e trova a sò matri ca avía affirratu a Anna, e la stava sdivacannu dintra la quadàra d'ògghiu(156). 'Un vitti cchiù di l'occhi, puvireddu! afferra a la vecchia pi li pizzi di la nèspula(157), e la jetta 'nta la quadàra. Poi s'abbrazza e si vasa a Anna. Cercanu li fgghi, e lu cucineri cci li cunsignau beddi sani e chini di vita. A manu a manu niscèru li capituli, e si 'nguaggiàru. Lu cucineri appi un gran cumprimintuni, eIddi arristaru filici e cuntenti
      E nui semu ccà e nni munnamu li denti.
      Palermo(158).
     
      VARIANTI E RISCONTRI.
     
      Lu figghiu d'un Regnanti (Polizzi-Generosa).
     
      Un principe reale va a caccia con un suo cortigiano, e trova in un palazzo disabitato una bella ragazza; indi a non molto la sposa, offerendole per lo sposalizio una veste tutta a sonagli ch'era servita alla Regina per le nozze. In corte non si sa nulla; intanto son nati due figli al Principe: Sole e Luna.