XIV della Novellaja fiorentina, è la stessa tradizione la quale è pure nel Senese, secondo apparisce dalla Novella dei due Gobbi del GRADI; Saggio di letture varie per i giovani, pag. 125. Qui è detto che le fate cantavano mentre facevano il bucato: Sabato e Domenica, e quel che segue.
      Vedi per le varie fortune incontrate da due individui le due novelle che precedono questa, e particolarmente la novella nolana di SOMMA, cennata a pag. 93.
      LXV.
     
      Li dui cumpari.
      Na vota s'arriccunta ca c'erunu dui cumpari vurdunari; unu era cu Diu e unu cu lu diavulu. Un juornu, viaggiannu, unu ci dissi all'àutru: — «Cumpari, lu diavulu è chiddu ch'ajuta.» — «No, ci arrispusi l'àutru, cu va cu Diu, Diu l'aiuta.» E dici sì, e dici no: — «Cumpari, (ci dissi chiddu ca era cu lu diavulu) jucàmuni un mulu.» Passau 'nta stu 'nfallanti(239) un Cavaleri (ca era lu diavulu) e ci spijàru cu' avia ragghiuni. — «Ragghiuni aviti, ci rispusi stu Cavaleri, lu diavulu ajuta.» E ddu puvirieddu persi lu mulu. Sta stuòria sicutau, e lu puviru cumpari ca era cu Diu, persi tutti li muli. Dispiratu, schirrau(240) pi li campagni e l'àutru cumpari si ni iju a la casa. La mugghieri di lu cumpari schirratu, comu 'un lu vitti arricògghiri, accumingiau a pinsari ca l'àutru cumpari l'avissi ammazzatu e lu fici mettiri carzaratu. Lu cumpari ca era cu Diu, accumingiau a caminari; camina, camina, truvau 'na grutta cina di macci, e siccomu avia scuratu si cci 'nficcau(241). Tuttu assiemi, quantu vidi arricògghiri a tanti (erunu li diavuli); lu diavulu granni ci jia addumannannu ad ognunu chiddu ch'avièvunu fattu; unu ci cuntau lu fattu di lu cumpari; n'àutru ci cuntau ch'avia fattu 'mpingiri 'na resca di pisci 'ntra li cannarozza(242) di la figghia di lu Re di la Russia, «e siccomu nuddu mièdicu ci l'ha pututu scippàri, mori addannata.