«Chista è 'na buttigghia cristallina:
      Di 'Mperatrici addivintai Riggina,
      Cu lu permissu di vuàtri signuriSugnu la figghia di ddu 'Mperaturi.»
      Un principe tignoso è anche nella 26 delle Sicil. Märchen: Vom tapfern Königssohn (Il valente figlio del re). Der Grindkopf (Il tignoso) è il titolo di una novellina di Sora nel Napolitano pubblicata da R. KÖHLER nel Jahrbuch für rom. ecc. di Lipsia VIII, 3, pag. 253, con dotti riscontri di novelle europee.
      LXIX.
     
      Lu Piscaturi.
      'Na vota, s'arriccunta ca cc'era un piscaturi. Stu piscaturi avía un picciriddu ca era accussì beddu e graziusu ca era lu diliziu di tuttu lu vicinanzu. 'Nca stu picciriddu comu vidía jiri a sò patri a piscari, cci vulia jiri puru iddu; ma sò patri cci dicia: — «No, figghiu mio, pirchì si veni quarchi malutempu, ti perdi.» Arrivannu a l'età di nov'anni, lu picciriddu 'un ni vosi sèntiri cchiù nenti e vosi jiri cu sò patri. Dici: — «Patri, io vogghiu vèniri cu vassía, e lu primu pisci chi pigghiu, cci l'hê purtari a lu Re.»
      Quannu fôru a menzu mari, lu picciriddu jetta la lenza e si metti a piscari. La prima calata, tira, e tira un gran pisci di qualità. — «Chistu, patri mio, io l'hê purtari a lu Re.» Hanno finutu di piscari e s'arricugghieru a la casa. Lu 'nnumani lu picciriddu ha pigghiatu la cartidduzza cu lu pisci, cci ha misu tanticchièdda d'arca frisca(271), e vistutu beddu pulitu si nn'ha jutu a Palazzu. A Palazzu senza tanti cirimonii lu ficiru tràsiri; si prisintau a lu Re. Lu picciriddu, ch'era di spiritu, cci cuntau la cosa, e poi cci apprisintau lu bellu pisci.