Com'è, viva, o morta?» — «No, viva è.» — «E unni si trova, mischina?» — «Si trova ddà dintra, jittata sopra un divanu, chi stà ripusannu. Lu patri chi la va circannu; lu Re la va circannu; lu medicu la va circannu pi ammazzalla pirchì cridi chi avissi ammazzatu la sò picciridda.» A lu sèntiri chistu, si susèru tutti tri. Lu medicu affirrau ad Alì p' 'un lu fari scappari. Tràsinu ddà dintra, e tutti tri si cci jèttanu a lu coddu. Lu patri misi a fari: — «La figghia è mia! Tocca a mia!» Lu medicu: — «È mia; pirchì io cci sarvai la vita.» Lu Re: — «Veru ca io cci fici lu tradimentu; ma la mugghieri è mia; ed a mia tocca!» Pigghiàru ad Alì, e lu squartariaru.
      Lu patri e lu medicu si pirsuaderu di la raggiuni. Lu Re vosi a tutti a Palazzu, e tinni 'na gran festa, pirchì avia truvatu la mugghieri, e si pigghiau lu patri e lu medicu comu parenti.
      Iddi arristaru filici e cuntenti;
      Nui semu ccà e nni munnamu li denti.
      Palermo(360).
     
      VARIANTI E RISCONTRI.
     
      In una lezione di Termini, che non ho potuto raccogliere, è questo intercalare:
      «E la povira Lattuchina,
      Quantu guai patíu mischina!»
      Col titolo di Erbabianca e con una differenza pel contrassegno dato dal cavaliere al re, trovasi da me pubblicata in italiano nell'Adolescenza, Strenna pel 1872, compilata da B. E. MAINERI; an. I. Milano, Politi 1872.
      Se ne trovano varianti in GONZENBACH, n. 7: Die beiden Fürstenkinder von Monteleone (I due figli del Principe di Monteleone); DE GUBERNATIS, n. X. Il Guanto d'oro; IMBRIANI, Novellaja fiorentina, n. XXXI, La novella del sig.