....»
      Passŕru du' jorna, e lu Re ordina un pranzu di Curti, cull'ordini ca ogni Cavaleri duvia purtari la soru cu' l'avia, o la mugghieri o ŕutri dami. Lu Bracceri mancu nun puteva fari a menu di purtŕricci a sň mogghi, pirchě 'un avia nč soru nč nenti; chiamň la cammarera e cci dici: — «Dicci a la Signura chi si facissi li megghiu ŕbbiti chi voli, 'un abbadassi a spisa pirchě unu di sti jorna havi a essiri a pranzu a la Curti.
      A la Signura nun cci parsi veru ca sň maritu cci facia sta prupusizioni, e mischina, si misi di bon'umuri pri la festa. Vinni lu jornu, jeru a Palazzu; la Signura s'assittau allatu di lu maritu, a manu manca di lu Re. Cci fôru li piatta li cchiů prilibbati, li věnura(427) li cchiů megghiu di lu Regnu, argintaria, musichi, canti ch'era 'na gioja a sintilli. Ddoppu finutu lu pranzu, lu Re dici: — «Ora io vurria sapiri quarchi passaggiu di la vita(428) di ognunu di vuŕtri Signuri chi m'aviti onuratu oj a tavula. Accuminciamu di vui, signuri Bracceri di manu dritta.»
      Lu Bracceri di manu dritta cuntau chiddu chi cci avía successu: e dissi ca cu sň mugghieri avía gudutu sempri la santa paci. — «E vui, signura, (cci dici lu Re a la mugghieri) comu vi la passati cu vostru maritu, mio valenti Bracceri?» — «Bunissima,» rispusi la Signura. Lu Re unu pi unu iju spijannu a tutti li 'mmitati, e cui cci cuntava 'na cosa, e cui 'n'ŕutra. L'urtimi ristavanu la mugghieri di lu Bracceri mancu, e lu maritu. Prima a idda cci spijau: — «Comu l'âti passata la vostra vita, signura Principissa?