Te' ccà, sonalu tu.» 'Bbudienti lu figliu, si piglia ddu friscaliettu e si misi a sunari; sunannu sunannu lu friscaliettu dici:
      «Fratuzzu mio, chi 'mmanu mi teniE m'ammazzasti all'acqua sirena,
      E m'ammazzasti pi 'na pinna di hu:
      Tradituri fusti tu!...»
      Lu patri, 'n sintennu sti paroli, casca 'n terra di la pena chi cci nni vinni: — «Ah! figliu birbanti, dici ca pi purtarimi la pinna di hu m'ammazzasti a lu figliu!» Lu figliu si cci jetta a li pedi, e cci addimannà' pirdunu. Lu patri chiancennu dissi: — «Chi fazzu?... unu e unu du'?... Tutti boni e biniditti;» e l'aggraziau.
      Pigliamu a lu picurarieddu. Lu picurarieddu cci dissi: — «'Nca Riali Maistà, ora io com'hê fari? Io mi vuscu lu pani cu stu friscaliettu.» — «Sì, picurarieddu, — cci dici lu Re; — ora lu friscaliettu resta 'n casa mia; e pi tia cc'è lu premiu. Tu sai leggiri e scriviri?» — «Maistà, sì.» — «'Nca allura — cci dici lu Reni — tu si' lu capitanu di tutti li truppi di li surdati, e pô' fari e sfari.» Chiddu arristà' filici e cuntenti, e nuàtri semu ccà.
      Vallelunga(455).
     
      VARIANTI E RISCONTRI
     
      In una versione di Villabate si dice:
      «Viddaneddu chi 'n vrazza mi teni,
      Io fu' ammazzatu 'ntra l'acqui sireni,
      Pi pigghiari tri pinni di cù
      Tradituri mè frati fù.»
      E si canta ancora in Palermo dai fanciulli:
      «Viddaneddu chi 'n vrazza mi teni,
      Tenimi forti, 'un mi fari cadìri;
      Ca pi 'na pinna d'aceddu farcù
      Lu tradituri mè frati fù.»
      Una variante di questa novella e in GONZENBACH, n. 51: Vom singenden Dudelsack. I ciechi son due, re e regina.