» — «Heju a parrari ora ora cu lu Re.» Lassàru passari la bon-vecchia; 'nchianàru susu; dici: — «Ra Maistà, c'è 'na vecchia chi voli a vossia.» Trasíu, la chiamò 'nta 'na càmmira a sulu. Pigghia la vecchia; ci nesci ddu piattu di frutti; dici: — «Cu' mi li manna?» — «Mè figghiu,» ci dissi la bon-vecchia. Dici: — «Chi voli tò figghiu?» — «A la figghia di vossía.» Lu Re ci dissi: — «Veni n'àutri ottu giorna, chi ti rennu risposta. (Dici): m'ha' purtari n'àutru piattu di sti frutti.» Pigghia la vecchia, e si nni iju. Ci dissi sò figghiu: — «Chi facìstu?» — «N'àutri ottu giorna, t'arrinnirò la risposta.» Pigghia lu figghiu 'n'àutra vota; e ci torna e manna 'n'àutra vota li frutti. Dici: — «Viditi s'è commudu ora.» 'Nchianò la vecchia; e ci dissi ô Re: — «Ra Maistà, chi m'arrisurviti?» Ci dici: — «Mi veni ccà tò figghiu; mi parra cu mia.» Si nni iju la vecchia; e mannò a sò figghiu. Annò sò figghiu; dici: — «Quannu mi spusu cu la figghia di vossía?» — «E lu palazzu nun ti l'ha' a fari?» Pigghiò tempu ddu' jorna. A li ddu' jorna, desi lu cumannu a la lanterna; e ci frabbicò lu palazzu. Si nni iju, e si spusò la figghia di lu Re. Si nni jeru 'n carrozza; tutta la sò famigghia. La matri s'arritirò cu lu figghiu. — Iddi arristaru commudi e cunsulati: e nu' ristammu cu lu cuntu fattu.
      Rocca Valdina(477).
     
      VARIANTI E RISCONTRI
     
      Questa versione di Rocca Valdina è assai povera cosa: e rimane molto di sotto ad altra che me ne trovo di Palermo. Tuttavia la preferisco 1o perchè desiderando io fornire documenti delle varie parlate siciliane, quella di Messina non vuol esser trascurata; 2o perchè la lezione che ho di questa fiaba, nella sua seconda metà è quasi la stessa della fiaba LXXXII che pubblico, e quindi gli studiosi non verranno a perder nulla.