— Nell'Impietrito, n. XXXII della Novellaja fiorentina dell'IMBRIANI, la figlia d'un mercante combatte per tre notti di sèguito contro alcuni demonii per liberare il figlio del re che è stato mutato, per incanto, in serpe; e colla sua forza li vince. La comparsa dei re la notte è nella 35 delle Märchen und Sagen dello SCHNELLER: Der Todtenarm (Il braccio del morto), la quale è da accostare alla nostra. Invece di re vi hanno maghi con sì lunghi nasi (langnasige Zauberer) che con le punte toccavano la terra.
      Vedi pure la nostra LXXXIII.
      LXXXV.
     
      Lu Mircanti.
      Si raccunta ca cc'era 'na vota un Mircanti, ed avía un figliu e l'abbiava a li scoli. Li mali cumpagni lu cunsigliavanu di pigliari dinari a sò patri, e lu purtavanu a mala banna. 'N capu un annu di sta vita, lu patri si truvà' secent'unzi sutta; cridennu ch'era la muglieri chi cci l'avía pigliatu, duna di manu a la muglieri; ma idda, puviredda, nu' nni sapía nenti. Tant'è: lu patri appurà' ca lu latru era lu figliu (cà lu patri cci ij' dappressu e vitti chi iddu cu l'amici jia a la taverna e pagava iddu; a lu jocu pirdía li gran dinari...). Piglia un vastuni e cci detti li gran vastunati. Lu figliu scappa e si nni va nni sò parrinu(527). Lu parrinu lu vulía beni; va a la casa di lu cumpari e lu piglià' 'n grazia; dici: — «Ora pi cuitàrivi vui, cumpari, mannàmulu a la scola a Napuli a mè figliozzu, ca ddà studia, e si fa avanti.» Eccu ca stu patri cci ha assignatu un pezzu di tri tarì lu jornu, cà lu vulía mantèniri bonu(528), e lu picciottu partì'.