» E cci ha datu deci unzi. La Gną Francisca cu sti deci unzi vistķu bedda pulita a Sfurtuna: e poi accattņ un saccu di farina, e fici lu pani; 'mmenzu stu pani fici dui beddi cucciddata 'nciminati ca dicianu: — «Manciami, manciami(552).» Lu 'nnumani si vōta cu Sfurtuna e cci dici: — «Cu sti dui cucciddati vattģnni a ripi di mari; chiama a la mč Sorti: «Ah! Sorti di la Gną Francisca!» pi tri voti. A li tri voti idda affąccia; cci duni un cucciddatu e mi la saluti. Poi ti fa' 'nsignari unni stą la sņ Sorti, e idda ti la 'nsigna.
      Sfurtuna, ticch ticch(553); si nni va a ripa di mari. — «Ah Sorti di la Gną Francisca! Ah Sorti di la Gną Francisca!! Ah Sorti di la Gną Francisca!!!» Veni la Sorti di la Gną Francisca, e Sfurtuna cci fa la 'mmasciata e cci duna lu cucciddatu. Poi cci dici: — «Sorti di la Gną Francisca, vassķa mi la voli fari la caritą di 'nsignąrimi unni stą la mč Sorti?» — «Senti ch'ha' a fari; pigghia pi sta trazzčra(554): camina un pezzu; poi trovi un furnu; vicinu lu scupazzu cc'č 'na vecchia smagarata(555); pigghiala cu lu bonu: dłnacci lu cucciddatu: chissa č la tņ Sorti. Vidi ca idda ti fa mali sgarbi, e nun lu voli; tu cci lu lassi e ti nni vai.»
      Sfurtuna va, e va nna lu furnu, trova sta vecchia, e macąri si sfrinziau a vidilla quant'era lorda, fitusa, micciusa e smagarata(556). Cci apprisenta lu pani, e cci dici: — «Surticedda mia, pigghiatillu.» — «Vattģnni, vattģnni! ca 'un vogghiu pani»: cci dici la vecchia, e si vōta la facci. Sfurtuna cci posa lu cucciddatu, e si nni va; e si nni va nna la Gną Francisca.